一個部門的誕生

3.8⭐故事有創意，亦能引起香港人共鳴。既然係天馬行空，就唔可以以正常角度去評，但求故事能自圓其說、玩得夠癲夠攪笑，deliver 到 message就夠。本作大致上都達標，題材固之然係香港地道、香港人又有共嗚嘅，啲 gag都度得幾抵死，尤其阿卵同白只果啲，當中亦帶有一點點親情。整體電影冇拖拉，一開波就入局，唔駛用腦輕輕鬆鬆睇到尾。娛樂放空之選。PS.• 最好笑係響咗第一槍之後, 個差佬......🤣🤣🤣

老實講拍攝手法唔算高明，劇情、剪接、燈光等等都係平實無華，演員水平都參差不齊，某幾位演員演出無懈可擊，但有啲演員都仲有改善空間。最想講係主角戴玉麒發揮得唔錯，但都係有種「演」出黎嘅感覺，不過作為首次擔正嘅新演員黎講，已經可以接受。劇情係玩黑色幽默到極致嘅電影，笑話都算有水準。只能夠講呢套電影沙石不小、大部分角色人設深度不足，甚至無一個角色背景我覺得係寫得好，不過整體亦唔算話太差。只論電影成個package，正常只能有3分-3.5分左右合格分數。不過！希特拉都cut唔到有線係香港人嘅集體回憶，用呢條橋寫個故事出黎就肯定係專攻香港市場，成套戲係拍比香港人睇呢樣已可圈可點。最重要係呢套戲隱喻極多，由其係結局！配合埋上映嘅月份：6月。一句講嘅「明嘅會明」。可以話係2019年後最適合香港人睇嘅電影。配合埋電影名「一個部門的誕生」，到底係咩部門？自己諗，「明嘅會明」！小弟係睇首映謝票場，某個演員謝票講嘅野都好曖昧，收到你，祝大家過得開心！

楊偉倫同白只果場戲笑到我死楊偉倫真係好好戲所以好多電影都有佢份就算做配角都好有張力白只、，梁雍婷都做得好好香港人睇呢套戲好容易感動共鳴

身為香港人，對於劇中情景應該唔會陌生，或多或少總會遇過；但套戲唔係淨係玩諷刺圍爐取下暖咁簡單，笑完就算，裡面都盛載咗唔少更深厚意義，笑中有淚，值得入場支持。

《一個部門的誕生》以「cut台」作為電影主軸，靈感源自真實事件，題材本身具備相當的新鮮感與本土感召力。能夠把香港人日常生活中的集體鬱悶——面對電訊客服時那種無處發洩的窒息感——搬上大銀幕，創作意念值得肯定。然而，一部電影不能僅靠題材吸引觀眾；劇本結構、人物塑造與敘事邏輯，才是決定作品成敗的根本。在這幾個層面，本片均存在明顯缺失。敘事拖沓，支線嚴重不足以挾持事件為核心，本可同步發展多條具張力的支線，例如警方談判的部署與決策、電視台內部的權責推卸、前線記者如何在制度夾縫中周旋等等。這些視角不但能豐富故事層次，更能從不同側面折射整個系統的荒誕。然而，成片的敘事過度集中於同一場域、同一組角色，大量篇幅都在以不同情緒和口吻，反覆傳遞相同的訊息。重複本可製造荒誕或壓迫感，但前提是每一次重複都需令主題更深一層，而非單純填充時間。本片做到的是後者，因而令整體節奏顯得拖延，戲劇推進乏力。人物對白脫離現實，人設可信度不足劇本另一顯著問題，在於部分對白與角色的年齡、心理和處境嚴重脫節。片中小學生面對危險時，向憤怒的母親表示要「留下來保護媽媽」，這種充滿自我犧牲意味的宣言式語言，與現實中孩子的心理反應相距甚遠。以小學生的認知與情緒發展而言，驚慌、哭泣甚至沉默，才是更合乎人性的反應。這類對白明顯是為了製造感動效果而強加於角色身上，令觀眾感受到的不是角色的真實，而是編劇的意圖。當角色淪為傳遞訊息的工具，情感連結便難以建立。政治隱喻用力過猛，犧牲人性真實我並不反對電影以隱喻回應時代，香港電影一向擅長此道。然而，當政治意圖凌駕敘事邏輯，作品反而兩頭不討好。本片中後段有兩個橋段尤為突出：其一，孩子的警車玩具被主角流出的血液包圍。若創作目的在於批判媒體機構或集體主義對個體的壓制，以血液濕潤電視台的宣傳品、吉祥物或標語，意象上更為切題，亦更能從電影內部邏輯自然生長。現時的處理，明顯是刻意借用 2019 年社會運動的符號投射，流於政治表態，而非真正的創作選擇。其二，主角送院後，孩子立即拿起智能手機致電電視台客服，其他市民亦紛紛舉起手機跟隨。這個「集體覺醒」式的結尾固然有其感召意味，但一個剛剛親歷挾持、目睹生死的小學生，在事件甫結束時，會冷靜地拿起手機重複成人的抗議行為？若由孩子的母親，甚至旁觀成年人帶頭，才符合現實邏輯，也更能令觀眾信服。強行讓孩子承擔這個象徵角色，只會令人感覺導演被政治情緒牽著走，忘記了角色首先是一個人，其次才是符號。結香港電影近年積極尋求國際定位，這是值得廣大港人鼓勵的方向。然而，大量依賴「明嘅就明」式的本地符號，卻同時忽略敘事邏輯與人性真實，對拓展國際觀眾並無幫助；真正能跨越語言的，始終是紮實的劇本與可信的人物。

前三分一較為拉雜，畢竟cut台難事件已經係十幾年前嘅事。三分一後入戲順暢，有笑有淚，結局由謝君豪出場至結尾，劇情牽動觀眾情緒。演員好戲，男主角載玉麒演出經驗少但亮眼，擔到戲，其他前輩唔駛講，好戲就梗。山姐今次就稍遜，可能角式唔係咁啱佢做。希望多d哩類黑色喜劇題材，能夠引起觀眾共鳴嘅電影。