再生家族

個人覺得今次是枝無疑是有所失手講真，如講畫面、攝影、配樂、調光，套戲依然討好，日系風攝影搭是枝本身常用的畫面結構，整件事依然好好睇。但今次最大問題卻是在故事敘事處理上，老實，在這方面，今次是枝好令影迷感失望。老實，故事結構概念是有可塑性，盒子裏的羊這個主概念好匹配，但是枝卻今次捉到鹿不懂脫角，我會形容，套戲雖好有很大可發展的空間，但執行處理卻好空洞，在好多位，是枝的執行好像好不到肉。這樣好令套戲產生出一種好不討好的疏離感。而這樣正正是套戲有不佳感覺的主要原因。比較之下，同樣講Ai機械人情感缺失，史匹堡的Ai人工智能，明顯比這套優勝得多。PS1：是枝拍細路依然是最佳的………………PS2：如果同樣講樹木靈性有關的片，個人比較喜歡寂靜的朋友多過再生家族。痴·影·夢·藝 X 的專頁 https://www.facebook.com/ckwunmovie/

英日文片名是「盒中之羊」，最初媽媽以為機械小孩是盒中之羊，可任意設計為再生兒代替亡兒，殊不知被困在盒中竟是自己，永遠走不出終究痛苦悔恨嘅困局，最後父母向代替品懺悔道歉，釋放自己和機械人，猶如一般父母（只不過提早）接受被長大成人的兒女拋棄嘅定型發展，完成了互相放手🫳嘅坦然結局。初初睇故事大綱，以為係史匹堡2001 Artificial Intelligence嘅日本版，但原來比AI更慢更悶，仲要撈咗啲Will Smith2004年嗰套I, Robot智能叛變，講小機械人們爭取獨立！電影不倫不類，要科幻冇科幻，要人性冇人性，要人情味，結果乜味道都冇！仲要冇邏輯，咁就連發人深省嘅啟發性都冇埋！試想設計機械人嘅公司推出市場嘅產品，居然咁多bugs，一早破產執笠啦，啲機械人🤖有獨立思考，又唔投入角色，由第一日開工就知道自己唔係人，爸媽唔係父母，咁點可以撫慰喪子之痛呢？仲要一大堆「爸媽」虐待、遺棄「子女」，點解唔「退貨」？公司點解唔「回收」，任得被遺棄嘅小機械人通街走？是枝裕和越拍越怪雞，以前嘅踏實、溫馨、人情味去晒邊？劍走偏鋒，除咗怪，更冒險地走向失敗，不知所云！電影🍿唯二優點係綾瀨遙和一眾高顏值可愛小演員，睇住佢哋被欺負或不被作為「人」看待，真的我見猶憐！

女主角好好戲不過節奏比較慢

以上題目，明白的自然會明白，唔明白的可以回憶一下《國王的新衣》這故事。

2.8⭐我會大至上將此作分為兩條線去睇。第一條線係主線"家庭線”。兩夫婦喪子後看似生活復常, 其實仍活於陰霾，於是決定試用AI機械人兒子，反而令隱藏問題浮現，當然最後大家都能釋懷，面對將來。此部份唔難明，不過有啲設定感覺怪怪的：- 兒子機械人並非100%上戴兒子個性同思維，充當兒子代用品。兒子機械人仍然知道自己係機械人，唔係夫婦兒子, 有自己獨立思想，同夫婦仍有距離感, 夫婦亦知道呢個距離感，咁顧客帶佢返屋企做乜呢? 同帶個陌生人返屋企有乜分別?- 夫婦當機械人親生仔咁照顧看待，但機械人竟然每日有啲時間可以神神秘秘自己出咗去而夫婦完全不知情- 綾瀨遙作為"母親"竟然電影後段先進入機械人房間發現佢喺房內秘密地做咗咁多模型，講唔通第二條線係兒子機械人背住"父母"同另外一班被遺棄AI 機械人嘅事情。呢條線我真係唔知睇咗啲乜, 同主線又好似風馬牛不相及，好似多咗舊魚咁。乜顧客唔再需要機械人時唔係應該退返比公司咩？綾瀨遙都係想咁做喎！呢部分我應該係同導演失聯，connect 唔到。整體電影嘅構思同執行上我都唔太鍾意，觀影感覺麻麻。唯獨綾瀨遙嘅演出可以係視覺上彌補番一點。PS.• 兒子機械人木無表情，對白同行為都好詭異，唔覺得可以撫慰到顧客心靈• 覺得男主角外型同綾瀨遙唔夾

#asheepinthebox #再生家族大家好，我係 Wild Wildy！今日想同大家深度剖析呢部 2026 年嘅日本科幻新片——**《再生家族》(A Sheep in the Box / 箱の中の羊)**。呢部戲由著名日本導演 **是枝裕和 (Hirokazu Kore-eda)** 執導，如果你有睇過佢之前嘅經典作《小偷家族》(Shoplifters) 或者《誰調換了我的父親》(Like Father, Like Son)，都會知道佢最叻拍細膩嘅家庭倫理與人性掙扎。今次嘅主要演員包括飾演 Reborn 公司維修部員工嘅 **中島步 (Nakajima Ayumu)**（之前喺《梅艷芳》演過後藤夕輝）。故事講述一對痛失幼子「翔」嘅夫婦，決定迎接一個最新科技嘅 AI 仿生人（Humanoid）複製人返屋企。不過，呢部跨界科幻作嘅網絡評價就似乎認真麻麻：* **IMDb：** 5.7 / 10 (大約 200 人投票)* **Rotten Tomatoes：** 48% (影評人新鮮度)老實講，未入場前睇 Trailer，已經覺得好有史匹堡《A.I.》嘅套路。睇完之後，發覺佢仲加咗少少《寂靜的朋友》(Silent Friend)、《Matrix Anime: The Second Renaissance Part I》，甚至有少少《T2》(未來戰士2) 嘅畫面影子。但整體嚟講，套戲拍得唔夠盡，既冇咗《A.I.》入面祖迪羅 (Jude Law) 嗰種機械舞男嘅經典味，亦完全冇好似《Companion》咁探討埋性功能機械人嘅尺度。當依家呢類 Sex Dolls、科技玩具一步步普及，進化到仿生人層面，遲早係人類要面對嘅課題。唔知係咪我年紀大咗，雖然有人覺得套戲一啲位少分鏡、節奏應該加快，但我自己反而覺得個 Pacing 啱啱好。情況有啲似之前講《別離無恙》，我覺得節奏 OK，但有啲師兄就話頂唔順太慢。我諗我真係老喇，開始鍾意聽慢歌。依家就同大家用我嘅一貫風格，先讚後彈！---### 意境深遠的 Paradigm Shift* **《小王子》的羊與箱：** 戲名好有心思，直接連繫到《小王子》嘅經典隱喻——你想要嘅到底係一隻點樣嘅羊？只要隻羊一日喺個箱入面，佢嘅形態就隨你想像。* **範式轉移 (Paradigm Shift)：** 我好欣賞編導刻劃呢對喪子夫婦，由最初嘅「人類中心主義 (Human-oriented)」慢慢轉移到「仿生人中心主義 (Humanoid-oriented)」。呢個範式轉移寫得好，側面反映出人類本質上真係太自私、太自我中心。* **情感的層次感：** 電影唔單止透過兩公婆嘅演技同對話，去衝擊觀眾：究竟接納呢個 AI 係一種逃避？自欺欺人？定係各自釋懷後嘅接納？呢種心理拉鋸令到套戲多咗一層深度。* **意象與符號運用：** 戲入面嘅視覺符號玩得幾靚，例如用「樹木可以再生」去對比「仿生人其實都係樹木嘅一種」。而且人類自古以來就不斷構築建築物（不住建築），仿生人其實都係呢種建造歷史嘅一部份。感覺到編導成身骨子裡，其實對仿生人都持有一種正面、溫柔嘅態度。* **母女相生相剋：** 套戲觸及到一個千古矛盾——媽媽其實唔想做媽媽。戲中母女之間有好多拉鋸，其中有兩幕將果種相生相剋嘅張力拍得一流，非常有火花。---### 劇本眼高手低的致命傷* **大堆細節不合邏輯：** 最想吐槽嘅係 Reborn 公司對自家製嘅高級仿生人管理得極度求其。中島步演嘅維修部員工，明明發現咗部機有問題，竟然完全冇後續跟進，不了了之。* **放任資產暴走：** 呢啲仿生人每隻都價值不菲，公司點可能由得佢哋周街走失、甚至任由人蓄意破壞？難道唔驚佢哋隨時系統暴走傷害人類？呢點真係完全講唔通。* **男主角選角災難：** 唔知電影公司高層點諗，男主角選角極度「麻甩」，外形上仲要矮過女主角，企埋一齊完全冇化學反應，令人出戲。* **劇力流於表面：** 雖然想講「媽媽不想做媽媽」嘅矛盾，但可惜大部份時間只係純粹靠對話「硬塞」出嚟，導致後面嘅劇力根本撐唔起個主題。* **查案線無疾而終：** 戲中本來鋪排咗一條類似《A.I.》嘅查案線，本來成功勾起觀眾想追看下去嘅慾望……點知收尾完全冇咗回事，無端端斷條線。作為一部電影，呢種劇本結構上嘅大缺失，真係會被扣好多分。---### 總結對我嚟講，呢部戲至少冇令我覺得悶。如果你入場放大佢表現好嘅地方（好似果種意境同文戲拉鋸），佢依然值 6 至 7 分，算係可以入場支持吓。但如果你期待緊一個劇本精彩絕倫、甚至好似是枝裕和以前啲舊作咁感人肺腑嘅神作？咁我可以肯定話你知：絕對唔係。但中英文戲名各有各好，片中後有解畫今日就同大家傾到呢度！你哋又覺得如果未來有生之年可以買到 AI 複製人，你會唔會接納佢成為屋企人？歡迎喺下面留言話我知！記得點讚、分享同訂閱我嘅頻道。我是 Wild Wildy，我哋下部電影見，Bye Bye！