揭密日

入場前 expect 係一套較認真、嚴肅、有啲深度嘅一套揭密外星人檔案、有一啲敏感議題要探討嘅電影, 點知睇完覺得都係一套普通娛樂電影。電影比我嘅科幻感覺都係好傳統刻板80年代荷里活嘅外星人科幻形象同構思, 外星人除咗科技比地球高之外，重有超能力。我期望嘅係史匹堡比到我一個全新嘅外星人同 UFO 概念。可能史匹堡嘅才華同思維仍然停留喺80年代嘅ET外星人層面。電影中雖有帶出宗教 vs 外星生命嘅議題, 可惜只係輕輕帶過, 並冇利用呢個議題造出劇力。電影中亦有提到要阻止公開檔案係為免世界大亂, 但又冇講如何會另到世界大亂。而事實係最近美國公開咗一啲外星人機密檔案，有令到世界大亂咩？似乎連公眾談論度都唔太高喎。基本上，雖然冇人真正見過, 其實絕大部分地球人類都已經相信宇宙之大有外星人存在並不出奇, 亦不一定智慧/科技比地球高。至於電影本身都算冇冷場, 但有啲劇情膠膠哋，而動作/飛車場面設計亦比較普通同牽強, 冇乜緊張感。而所謂反派組織又笨手笨腳, 一啲都唔兇狠, 可能又係唸住比一家大細一齊睇嘅闔家歡電影掛。整體係本人期望以下，但仍一看無妨。睇女主角都 ok 既～～PS.• 我睇嘅係 IMAX 版，但覺得此作冇需要比貴啲囉。• 見到電影中果啲外星人就令我唸起以前比 "今日睇真啲" 呃咗我成個禮拜 🤣🤣🤣• 我信有外星人，可能有高智慧，但唔信佢有太神化嘅超能力，如讀心術，預知未來能力，令人產生幻覺見到佢好似見到老婆/女兒...等等囉！• 都係果句, 唔會因為大師導演作品而影響我對其作品嘅真心評價

我認為《揭密日》背後個意思係幾值得探討，首先係宗教同外星人嘅對撞，雖然我係無神論者、自然神論派，但都明白宗教係人類自古至今嘅文明，特別係美國立國時普世信奉基督新教，信仰的確係唔小人類立命嘅基礎。電影其實有兩套文戲我個人睇得幾啱口味想重溫，男主角同女朋友；維穩派大佬同真相派大佬，兩段關於人類、宗教、同理心嘅碰撞，人類到底可唔可以承受真相？呢兩幕對白寫得幾好睇。結局應該有人覺得做乜9就完左，我反而幾欣賞呢個結局，交返「人類首次發現自己並唔孤獨」嘅命題比返觀眾，有人問係咪會有續集，我就覺得無，要講嘅野已經講哂。但電影吐槽點都好多，比起電影背後想講嘅命題，劇情就拍得低莊好多，典型打帶跑劇情我唔想係呢套戲見到，打戲全部都拍得好鳩，為加而加，加完仲衰過唔加，我個場啲觀眾恥笑聲都好大；以為兩位背後大佬有咩精彩陰謀詭計可以識穿大家，點知最後係我諗多左，除左維穩派大佬拎住個外星科技思想操控男主角女友個幕有啲意思外（都係講外星人vs宗教，結果係宗教輸了，其實都拍得好直白……）外星人揀中男女主角嘅原因都好莫名奇妙，想影射人類嘅殘暴再突顯外星人有同理心？角色人設都有故弄玄虛嘅感覺，講左啲野又好似無講，反正我對劇中嘅角色無乜投入感，大部分角色拍到深謀遠慮咁，但基本上全部智商都唔在線；結局講到大Boss主動放棄所以自有中間個啲on9動作劇情嗎？反正整體劇情發展、人物設定如果係出自史蒂芬史匹堡手，我會形容為唔好睇、唔合格。但我個人係傾向相信有外星人，可能就係電影評價兩極嘅原因？但劇情實在係好唔合理，就算呢套戲其實反思位都多，我都唔太喜歡。

觀眾很兩極，—些覺得劇情沉悶，推進緩慢，劇情沒睇頭，缺乏先進AI/CG好爆嘅大場面；一些觀眾覺得劇情鋪排有序，戲味濃郁，最尾的一場處理出色，令人口定目呆！雖然有些場口比較沉悶，整體我是屬於後者觀感。ET嘅實體形象，在史匹堡導演戲中，40多年來始終如一，和美國政府解密的外星人模樣吻合👍。美國最近披露很多UFO的片段和外星人畫像，令人相信外星人的確曾存在過在地球。而世界上一些出類拔萃的科學家/發明家如Elon Musk，Einstein，也很有可能如戲中是被外來高智慧生物所挑選和感召的人類，最終發明改變人類生活的科學和科技（相對論，Internet, AI, SpaceX)🤔，想一想好interesting，好引人入勝。

冇頭冇尾，完全九唔搭八，串流平台Netflix有得睇都嘥我時間，根本睇電影最後嗰5分鐘，你一入場就已經知道個結局幾荒謬滑稽，低成本製作，總結嘥時間嘥金錢或稽完全九唔搭八20分

係一套製作精良但係空洞乏味嘅科幻片，結構同概念都同現代世界格格不入。儘管攝影保持咗導演標誌性嘅視覺水準，配樂亦都有效地推動咗劇情發展，如果用Steven Spielberg呢個名，我話呢套戲係大失望。Emily Blunt撐起晒成套戲，冇佢嘅話呢套戲唔會有呢個分數。感覺成套戲只係一套追逐戰，去到最尾先係戲肉，好明顯係結構上嘅缺陷。喺呢個科技發達年代，電影嘅核心「揭密」本應係引發觀眾真正嘅震撼同存在嘅恐懼，然而處身係一個好多誤導訊息嘅社會嚟講，電影嘅高潮無法引起我哋嘅共鳴。如果電影喺90年代上或者會好好多，而家就遲啦。

起初諗點會咁橋同美國最近揭開外星新聞，都係一場廣告？咁啱食住條水，如果唔係史匹堡既作品點會睇，好多陰謀論？點都好﹏我個人對呢個話題都好有興趣，所以都要睇，只可以話唔好帶住期望，只能憑個人興趣入手，知多少少睇多少少，感受多少少🤏。整體都可以啦，所以只能夠推介對呢個話題，同埋鍾意睇史提芬史匹堡既戲既fans講。睇啦